48

Ez ditut musquil guciac bildu,
ez sorhoac oro landu,
bainan çure musuec culuncatu naute,
çure phenceec eman goria,
çure bessarteac hobia,
sagar gorria,
aldare çuri eta çoria.

47

Ceru garbian
airatu cinen;
ançua da lurra.

Suaren anço
poçoina cenuen;
murrua, bilhurra.

Murruxori isila…
laztan ohoina,
sorhoen ximurra.

46

Hamaica erhiren artean bilhatu cintudan;
aurkitu, enganatu eta maitatu cintudan;
adostassuna itchuraren soldatapeco erhailea da.

Bezperaren orgiatic sorthuren da
sastacatuco çaituen eguia.

Haraguia clascatuco derauçu etsiac;
mingarra cenuen, urdina, cikina;
garrasiac ez deraue barkatzen ceruaren cumeeri.

Musu hantuez beztituren da horrorea,
çure bulharrez erdituren nigarra,
eta sabelean aussiquico nau
etsai ahanciaren kedarrac.

Ez duçu nahi, ez eguin incirin,
ez daquiçu, ez duçu igarri,
ez çaitecen secula içan
ecein ere itsassoren ongarri.

Ez çait eria nehoiz hain sarcorra içanen
nola cerorri aguituren çaiçun
noiz beguiaren urac gueldi daquiçun gutia
desherrian tipi dieçaçun.

45

norc
eta norat

sua çara
ez çara egundaino ene ezpainetaric jaio
eta çure credoac manatzen nau

vorondatea çara
gurthuco ez dudan idoloaren
haragui herratua

erhoa çara
ene fedea arbuio duen herra
ihesari irri bat ukatu cion
lurrinaren symboloa

44

(Daniela Silivaș-i, muguiera imperfectutan.)

Ez çara jada bakarric flottatzen
nola haiceaz hacia,
ez çara guehiago
primadera gucien sabia.

Aingueruei so eguin cenien berriro?
Çu içanen çara harçara hegan doan cerua
belhardi eternalac musicatzen dituzten peonien gainean
bessoac absenciaren pilpiraz josten çaizquiçuno.

Goiçaren inguruan pausu harcen dute
çure çangoec
eta munduaren irribarreac.
Ufa, ufa eguiten duçu
urostassunac bakarric sorcez iritsi ahal içan ciçun bothereaz
harmonia berecoac içaiteraino.

Lehoina, quizcurra eta violetta,
hegan eguiten duçu, amets, hilecina fincen,
haicearen arima balletaz musucatzen,
eta berriz içanen çara arguia, behin ikussi nuen isila
oraindic prest ez guinenean.

43

Içan cen arrats bat, bainan ez egunsentia.

Içan cen abiapunctua,

bainan ez adio baten baga çaurthua.

Ez ciren nehoiz urac hain viciac içan
nola gauerdian,
noiz euria ari baitzuen ixtant baten orrialdeetan,
bainan bethi itzurico çaio vicia
noizbait gabe ibil dadinari.

42

Berriz issurico da udaberria,
azcar alchatuco errugabeac,
diz-diz,
çucen,
garden.

Berriz biztuco da
udaco mendi gainetan gaztaroa,
aurqui bilhucico hodeiac
libertatearen garhaipenaz,
gurhassoen hitzez beztituco
galdutaco umea.

Eta, udaren amaieran,
itcharopena hustuco dute iñhaciec,
gauaren arguitan lehertuco da
baquearen boça,
içarren burrumban vicico
goiztiriaren aldarria.

41

Nora çoaz?

Ni naiz errailetic irtenaracico çaituen harria.

Bidea irabaz deçadan...
hitzetic libratuco çaitut
nehoiz guehiago vici ez çaitecen;
goicetic gauera jaiquico natzaiçu,
heguigoaren eguia…
alderic alde içanen duçu idequia.
Çu içan çara phoça falsutu duen herria.

Ez daquiçu iracurcen ez idazten,
aldean içanagatic voça,
bainan ez dauçut eracutsico,
ez hemen ez bihar,
ithurburuen aguerico goiça;
ni içanen naiz
egunez egun joco çaituen othoitza.

Icena ere ez daquiçulacoz
nirea hitza da.

40

ez ez daquiçu
egundaino ez daquigu
atherabideeri buruz
ainguraren heriotzaz
ceruari eusten dio
aieruaren abarrotsac

ez ez daquiçu
ez daquit cer ikussi
arimaren ohean
nola dira mendecuaren ametsac?
ez egarriric ez musuric

ez ez du sorcen nekeac
negua hartu ez duenaren premia
othoitzaren çain faunduco dira
cartoinezco bessarcadac

jaquinen dugu
orena