39

(Menerren caxcotic
Pyreneoac dira larrazquena,
bozcario pilpira, pausaleku,
xendra eta othoitz.)

Cer speroco dut arratsetic?
Nun atzarrico naiz bihar?

Haran eta iraganguia hauec,
ahanz gaitzatelaric,
gure idurico içanen dira.

Ez dugu belharraren icerdia eçaguturen,
ez dugu ilhun guicenetan ihes eguinen;
bilhuz içanen gara
çu eta ni, bi iboi
arratsez, ametsez,
sarrio ici hauen arimaco.

38

Iritsico çait, azquenean,
haranetaco isiltassuna, bideen gaua,
ilharguia eta hostoac oincatzen ditudano.

Iritsico da eta irabacico du.
Nehoiz Ez
da viciaren icena,
hutsuneen aihena,
taupada asquea.

Iritsi
eta haicearen asca içanen naiz.

37

Gogoan çaitut…
eta herstura hunec erroa erauzten daut.

Ametsetan çaitut…
eta berriz verdatuco othe dira orchideac?

Çure beguiac beçain heceac ez dira nehoiz içan
hurrupatu nituen distirac
gaztaroco errequetan,
gaueco tantac, goiz haste orotaco lilituco direnac
itsassoan laztan çaitzadan arte.

36

Içan da hotza
çu çorioneco ikustean, orbainic gabea,
isilpean ceriçun heriotzaz bethea.

Gauaren desherritic celatan ukan dituçu
hamaica huts, gaztetassun hutsean,
eta, maiz jocatutaco atharian,
beguiz joa cenuen çoria, placerez assea.

Heldu naiz eta ez cinen,
negua çaiçun guelan
secula ez cintuen vicitzac agurtu,
bainan...

... jossia gueratu çait orena, bethi.

35

Haur urrunac
itzalac isil,
esnez bethetzen ditu
galdeac,

camamilac hurbil.

34

Asse cinen,

bainan egunen batean ez naiz egonen.

Xerka arico naiz

non ez nauçun vicico.

Pausuaren heguian

sephac quirrinca eguiten ciçun;

hiraz duçu airatu.

Çure begui bilhuciac

nere hisiaren

goldeac ciren,

bainan ez naiz egonen.

Musuec

xaxa litzan

haicea bilhatzen çuten,

eta egun horretan

saphac atseden hartuco du

Aphroditaren oihanean.

33

Ez dira goiz aguercen ephel egunac,

heriotzaren çaporea diçu akidurac.

Hitzez nahicoa içanen duquet?

Çorioneco hura ceinec...

Ez daquiçut cer galdeguin.

Barkamendua, ausarqueriaz;

goiztiriaren dohaina, aithorçaz.

32

Ez nindaquien cer behar nerauçun offritu
ezeta nola consolatzen ahal cintudan,
bethi mindu nau arraposturen escasac.
Ez nindagoen hor
eta ez çaitan axola içan.

Ixtant horixe dugu eternitatea:
oraina iragan bilhacatu çaiçun ainuria,
hotzikara ceinetan ethorcecoa atzendu
eta, gauaren inharren ancean,
spacioa hutsarequin bat eguin baitzenuen.

31

Uda cen, egüerdia,
beroa murruac ahalque gabe jotzen hassia cen
eliça aphal eta bakartiari
landa verde-heceetan.

Barruan, harrizco pareta aratzez,
harrizco voz soil eta sendagarriez,
docena bat personac
elhe frescoz dute vicia bilcen.

Eta... tupustean hautsitaco viciari,
negu luceec colpatuari,
uda urriquigabearen hatsean
seguida eman dio mysterioac
fedezco murruac dituen eliçañoa
miresten duten mendien azpian.

30

Mila modu daude ulerceco
euria çure gorphutzean bilhucic dagoela,
hamaica çure açalaren lurrina arnasteco,
çazpi çure bulharretan gurina edateco
eta bakarra quiscalcen çaituen aiztoa içaiteco.

29

udaco gau beroan
euri jasaren ondoan
hogueita borz urthe dira iragan
eta çure urrina dut ussaindu
amorioaren atharian

eta ez nauçun hitzic eguin
ez cinen urrin bera
bainan ez dut secula ahancico
amorioaren aldarrian

28

Çure bilha noa, beguiratzen dauçut, icendatzen çaitut.

Neroni naiz harrotzen çaituena, venda eta mailu bilhucia,

ethor nerequin, ez suffritu,

ez içan çoçoen beldurra,
jaquiçu eguia barnean datzala,

campoan ez dago mila musu lor ditzan bessoric

… eta çarthailu bat speroan.

Behin, dembora lucez…

Behin hondar ithurritic heldu cinçaizquidan hoztuta,

virgina eta lohia gogoratzen çaitut,
gorria, emea, hamaica sahatseco içaquia,
miraila, mozcorraldi bethea.

Berce behin ere, berce behin,
hotza eta arno…

Eta hunaino iritsi naiz, azquen belça içanen naicen jaquin gabe,
communera botataco vicitza sastarra,
urac du eremaiten eta ura vicia da.

27

Beguiratu eta ençuten diçut,
eta hitz eguiten duçu, cantu, garrasi, hasperen,
eta ez dago imagina ez neçaqueen ja ere,

irritsic garbiena vici dut.

Ezpainari eguiten dioçu hozca,

inguruari soa,

irriño bat ondoan... eta çure sabel guriac
nere pensamenduac ditu erhotzen:
açala laztancen niçuque
nere quitzicapenaren fruituaz
hitz samurrez, mehequi,
eta hamaica gau emanen nituzque çurequin jolasean
favore amaiecin batean,
ceren mereci duçun arreta
libertateric karsuena baita.

26

ez nuen aditzen
berceren egunerocotassunac estutzen ninduen
ez du atercen
bainan bakartassuna dago edertassunean

ez ditut viciquide
ez dathoz bat orhoitzapenac
bainan seculan ez naiz içan
husquerien bidaide

xumetassunari diot behatzen
gauça guttic dute importa
hots eta urrin batec
udara baten ferecac

larrazquenari buruz
pausu gabe oinez
berriro naiz içan nincen hura
eta viciric naiz

25

bercec scriba dieçaçun eta gorets çaitzan, herri

nor naicen badaquiçu

sorthu nincen lurrean nagussi çarela dioçu

nor çaren ez daquiçun arren

arduragabe vici çara

norc emanen jaquiterat engainuaren desencusa?

behar othe nuen ophari moçorro hitsa?

maradicatzen çaitut, primadera ustel,

eta derauçut scribatzen

24

elkar eçagutu guinuen

thoquiac ez du axola

nehoiz ez dute thoquiec axola

astebethera musu eman guinion elkarri

eta hautsa utzi dautaçu

eta seme bat

ama jada eçagun ez duena

bainan nic berce vici bat dut

ez naiçate berbera

eta cinen thoquian

orain aulki huts bat dago

hautsaren hutsa

hutsaren hautsa

eta seme bat

 

23

Athalase xamurrenean,
mysterioaren ezcaratzean,
viciaren arrailean ari nauçu,
hordi arraila… ezti-uretan hustuz.

Hazcurri emeagoric ez çait
dembora laboratzen dudano,
lurrinic ez duçu hain mehea,
goçagarriric ez horren trebea.

Anartean içanen nauçu aldi oro,
athartean… goxoro urthuz ossoro.

22

Çure beguietan, oceanoac...

cer desira nabalac!

Sapharen bethean

dakusquite nere beguiec;

çureec, candalu ancean.

21

Norc hitz eguinen du naretassunaz?

Ez, ez naiz ni.

Ene nare aldi sagaratu hunetan

erraiac leherraraztea berceric ez dauçut nahi

bekatu çucen batez.

Norc hitz eguinen du amodioaz?

Ene atseden urthu hunetan

çauriac gurthuco dauzquiçut eta eritassuna milicatuco,

mihiaz sendatuco dauçut

odola, ceina hocitzen den

erraiac elicatzen dauzquitan sutic.