20

Çuri, populu falsu, hypocrita;

heriotzac ez çaitu nahi, ez vicitzac.

Ihes eguinen derauçut lohitic

eta bilhaturen dut berce osin batean

harrabotsic gabeco cererrana,

nere hypocrisia eremanez

eta ez berceenic.

Ez, urriquiric ez duçu mereci.

Egon! Neronec desiratuco derauçut maledictionea

eta, errebaletic campo,

çure maluraz ascatuco çait revelationea.

Halaz, ez çaitut deboilatuco min ez nadinçat

çure ahuleciaz,

ezeta borchatuco cikin ez naçançat

çure itchuraqueriaren hastio triumphantac.

19

Hautamena edo çoragarriro perfectua,

çure gorphutz bilhucia theologiaren marruscadura da.

Ez da jaidura, men eguitea da, aguinça doia oihanaren ercetan.

Cençuz? Vicitza cehaztassunaren ahoan irabiatuco dut,

erhomenaren mathematican.

Ez dauçut beguiratuco?

Çure larruaçalac conscienciaren aingura erauzten daut,

babaçuça lauhazca iraunguiric.

Ez dut içanen hecibide ezeta salvamenic;

aitzinean çaudela, ene beguiradac suguegorriaren theologia aussiquitzen du.

18

Orhoitzapenac minsu, haragui içanez,
camamilen hatsa irricatzen dut.

La Sían goiti iganez,
udaren verde-urdinetan,
egun bero eta heceac,
asca baten ur çurbilez goçatuac,
eta bordac, haimbat nola vici erçac,
haimbat hurbil, hain urrun... ausazco belhardietan.

Nehoiz itzulico ez naicen libertate urrina
jaquin gabe ophari eguin çautaten aita-amec,
haurçaroaren lañoa, La Síaco maldetan.

17

Nic jada ez dut deus ardietsico,

lur gogor bainan berri bat içan ecic;

ez derauçut açalpenic çor, seme,

aitari ere promesic eman ez neraucon beçala.

Gorde çaitez guiçaqui eta herrienganic,

isiltassunean vici eta goça,

lant eçaçu irabacitaco lurra,

ibil lagun çaitzan brisaren hurrupa emearequin,

ez baituçu hura baino proprioagoric.

Ni ez naiz guehiago vici

herriaren promesetan,

ez dut açalpen guehiago emanen

nere lurraren berotassunean,

eta çor dietzodan lanac quittatuz

neure eguinen dut lur berri eta isila.