11

Ametsen ohatzetic

nere maiteminen realitaterat iganez,

ecin erranezco amodioac vicitu nahi dituçula

ikusten dut halabeharrez,

ecin emanezco debecu eta guthiciac,

nere escu ez baitira.

Ametsen laztanean

alde baterat jarriaz,

bilhaquetan ez nauçu oztopo içanen,

min eta suffricario eman lieçadan arren,

horrelacoa baita, aguerian,

nere ametsen realitatea.

10

Oinhacean aurkitzen dut çure urrunean nagoelaco baquea,

mamiz eçagutzen çaitudalaco consolamendua,

çure xangrin eta aztoramenaren berri dudala.

Urrunean çure oinhacean nagoelaco baquea aurkitzen dut,

berriro jinen çarelaco iguritzapena,

guehiago beldur içanen ez çarelaco goçagarria.

9

Une horietan, guerla arrotz batean...

eta çugan pensatzen dut,

orhoitzapenac hasperenez ditut haztatzen,

çure gorphutzaren ephela nere ahoan…

Goçamenez assebethetzen nauçu,

çorionezco maledictionez.

Polliqui ditut çure hazcac jastatzen,

çure deseinuac...

çure çangoac, çure izterrac, çure eztia.

Buruz nauçu laxatzen,

buruz naute çure ahoaren ferequec clicatzen.

Hassieratic amaierara dardarazten nauçu

bekatu finigabe batean,

eta ifernuan uzten nauçu, dohatsu,

nere goxoac eztanda eguin artean,

eta çure soaren itsuac ez nau içutzen

çoriontassunaren maçoac nere gogoa colpatzen dueno.

8

Cer eguin ez badaqui batec,
certaz eranci, certaz suffritu,
nola itzali raçoin çucen batengatic...
Cer aurkitu ez badaqui batec, eceta cer bilhatu,
certaz eta nola desencusatu…
ez çait berceric gueratzen
vician berean xerkatzea baino,
maitassunez eta hutsaltassunez,
deusetaraco valio ez duela jaquinez, eta hori gucia dela dena.